இந்தப் பிரிவு மருந்துகள் மற்றும் அவற்றின் வித்தியாசமான வகைகளையும் விபரிக்கிறது.
இலங்கையில் கிடைக்கும் மருந்துகளைப் பயன்படுத்துவதற்கு அனுமதியளித்தல் மற்றும் பயன்படுத்தும் முறைகள்பற்றி வழிகாட்டுதல்.
ஒரு மருந்தின் வரைவிலக்கணம்:- பயன்படுத்துவதற்காக, விற்பதற்காக, விற்பனைக்கு வழங்குவதற்காகத் தயாரிக்கப்பட்ட ஏதேனும் பொருள் அல்லது பொருளின் கலவை-
- மனிதனிடம் அல்லது மிருகத்திடம் காணப்படுகின்ற அசாதாரண உடல் நிலை அல்லது நோயறிகுறிகள், நோய் ஆய்வு, சிகிச்சை, நோயைத் தணித்தல் அல்லது நோயைத் தடுத்தல்; மற்றும்.
- மனிதனின் அல்லது மிருகத்தின் உடல் உறுப்புகளின் செயற்பாடுகளை தரப்படுத்துதல், திருத்துதல், மீள அமைத்தல்.
- பயன்படுத்துவதற்குத் தயாராகவுள்ள ஒரு மருந்து அல்லது மருந்தின் இணைப்பு மற்றும் ஒரு சிறப்பான வடிவத்தில் அல்லது விசேட பெயரில் சந்தையில் வைக்கப்பட்டுள்ள மருந்து, அதன் வகை மற்றும் தயாரிப்பு உரிமையற்றவை;
- மருத்துவ மூலிகை சாற்றிலிருந்து தயாரிக்கப்பட்ட ஓர் உற்பத்தி;
- குணப்படுத்தும் இயல்புடைய நியுட்ராசெற்றிகள்; மற்றும்
- தடுப்பூசிகளும் ஊநீரும,
- ஆனால் இதில் ஆயுர்வேத மருந்து அல்லது ஹோமியோபதி மருந்து உள்ளடங்கவில்லை;
2015ஆம் ஆண்டின் 5ஆம் இலக்க தேசிய மருந்துகளை ஒழுங்குமுறைப்படுத்தும் அதிகாரசபை சட்டம் மருந்துகள் சம்பந்தப்பட்ட அனைத்து அம்சங்களையும் ஒழுங்குறுத்துவதற்கு தேசிய மருந்துகள் ஒழுங்குமுறைப்படுத்தும் அதிகாரசபைக்கு (NMRA) அதிகாரமளிக்கிறது.
அதன் மூலம் நாட்டில் கிடைக்கும் மருந்துகள் நல்ல தரமான, பலன் தரக்கூடிய, பாதுகாப்பான, விலை மலிவான மருந்துகளாக இருக்கின்றன என்பதை உறுதிப்படுத்துவதற்கு மருந்துகளின் தயாரிப்பு, இறக்குமதி, களஞ்சியப்படுத்தல், விநியோகம், போக்குவரத்து, விலைகுறித்தல், மொத்த விற்பனை மற்றும் சில்லறை விற்பனை என்பவற்றை தேசிய மருந்துகள் ஒழுங்குமுறைப்படுத்தும் அதிகாரசபை (NMRA) ஒழுங்குமுறைப்படுத்துகிறது.
தேசிய மருந்துகள் ஒழுங்குமுறைப்படுத்தும் அதிகாரசபையில் பதிவுசெய்யாமல் எவரும் எந்த மருந்தையும் தயாரிக்கவோ அல்லது இறக்குமதி செய்யவோ கூடாது என தேசிய மருந்துகள் ஒழுங்குமுறைப்படுத்தும் சட்டம் குறித்துரைக்கிறது
மருந்துகள் மதிப்பீட்டு குழு (MEC) தேசிய மருந்துகள் ஒழுங்குமுறைப்படுத்தும் அதிகாரசபையின் (NMRA) கீழ் உருவாக்கப்பட்டுள்ளது. பதிவு செய்வதற்காக முன்வைக்கப்படுகின்ற மருந்துகளின் தரம், பலன் தரக்கூடிய பயன்விளைவு, பாதுகாப்பு, தேவை, மலிவு விலை என்பவற்றை உறுதிப்படுத்துவதற்கு மருந்துகளின் விஞ்ஞான மற்றும் தொழில்நுட்ப மீளாய்வுகளை மேற்கொள்ளுவதற்கும், பரிசோதனைகளையும் நுண்ணாய்வு நடவடிக்கைகளை மேற்கொள்ளுவதற்கும் பதிவுசெய்தல் மற்றும் சான்றுப்படுத்தல் நடைமுறைகளைப் பயன்படுத்தும். மருந்துகள் மதிப்பீட்டு குழு (MEC) மருத்துவ மற்றும் மருந்தாக்க துறைகளில் பல்வேறு நிபுணத்துவங்களைப் பெற்ற நிபுணர்களைக் கொண்டுள்ளது. மருந்துகளை சந்தைப்படுத்துவதற்கு அதிகாரம் அளிக்கும்படி கோரி முன்வைக்கப்படும் விண்ணப்பங்கள் பற்றி தீர்மானிப்பதற்கும் மருந்துகளை சந்தைப்படுத்துவது சம்பந்தமான கொள்கைத் தீர்மானங்களைத் தயாரிப்பதற்கும் இந்தக் குழு மாதாந்தம் கூடுகின்றது.